На 13-ти февруари 2025 година, делегација на Самостојниот синдикат на вработените во универзитетските клиники, центри, клинички болници и други јавни здравствени установи во Република Македонија оствари продуктивна средба со министерот за здравство, Проф.д-р Арбен Таравари, со цел разгледување на актуелните прашања и предизвици со кои се соочува здравствениот сектор во нашата земја. Средбата се фокусираше на важни теми како што се подобрувањето на работните услови за здравствените работници, зголемување на платите, како и унапредување на инфраструктурата и ресурсите во здравствените установи.
Претседателот на Синдикатот на ССКЦ , Спец.д-р Предраг Серафимоски , истакна важноста на дијалогот и соработката помеѓу ССКЦ и Министерството за здравство, потенцирајќи дека здравствените работници играат клучна улога во системот и дека нивната поддршка е есенцијална за обезбедување квалитетна здравствена нега за граѓаните.
Министерот Проф.д-р Арбен Таравари ја истакна подготвеноста на Министерството за здравство за зголемување на вредносниот бод од минимум 5% односно 7 % во зависност на можностите на Владата на РСМ и да ги разгледа барањата на синдикатот и да продолжи со реформите за подобрување на здравствениот систем. Двете страни се согласија на формирање на работни групи кои ќе се фокусираат на клучните аспекти како што се нов колективен договор, подобрување на статусот и условите на здравствените работници.
Синдикатот и министерот се договорија за продолжување на редовни состаноци со цел да се осигура дека процесите на реформата ќе бидат во корист на сите, особено на здравствените работници кои, во овие тешки времиња, играат одлучувачка улога во справувањето со здравствените предизвици.
Самостојниот синдикат на вработените во универзитетските клиники, центри, клинички болници и други јавни здравствени установи во Република Македонија – ССКЦ останува посветен на заштита на правата на здравствените работници и ќе продолжи да се бори за подобри услови за работа и живот.
